კითხვა:

რა უწყებებს აერთიანებს   სამინისტრო?

პასუხი:

სამინისტროს მმართველობის სფეროშია:

საქვეუწყებო დაწესებულებები:

·          სასჯელაღსრულების დეპარტამენტი;

 

საჯარო სამართლის იურიდიული პირები:

·          იურიდიული დახმარების სამსახური;

·           პრობაციის ეროვნული სააგენტო;

 

კითხვა:

რა არის სამინისტროს საქმიანობის სფეროები?

პასუხი:

სამინისტროს საქმიანობის სფეროებია :

·          სასჯელის აღსრულების განხორციელების ორგანიზება;

·          სასჯელაღსრულების ორგანოთა მართვა;

·          კანონმდებლობის შესაბამისად იურიდიული დახმარების უზრუნველყოფა;

·          სასჯელაღსრულების დაწესებულებათა სამედიცინო სამსახურების ხელმძღვანელობა;

 

კითხვა:

რა საკითხებთან დაკავშირებით მოგმართოთ?

პასუხი:

შეგიძლიათ მოგვმართოთ

·          სასჯელაღსრულებისა და პრობაციის სფეროში არსებულ საკითხებთან დაკავშირებით;

·          სამინისტროს სისტემაში მომუშავე მოსამსახურეთა ქმედებების კანონიერებაზე;

 

 

კითხვა:

რა წესით ხდება შეწყალება, ამნისტია და პირობით ვადამდე გათავისუფლება?

პასუხი:

·          შეწყალება

 ხდება პრეზიდენტის აქტით, რაც არ შედის სამინისტროს კომპეტენციაში. სამინისტროს ევალება მხოლოდ შეწყალების აქტის აღსრულება;

·          ამნისტია

 არის პარლამენტის მიერ მიღებული კანონი, რომელიც ითვალისწინებს სისხლის სამართლის კოდექსით გათვალისწინებული პასუხისმგებლობისაგან განთავისუფლებას;

·          პირობით ვადამდე გათავისუფლება

გულისხმობს მსჯავრდებულის პირობით ვადამდე გათავისუფლებას თავისუფლების აღკვეთის დაწესებულებიდან,   კანონით დადგენილი კრიტერიუმების არსებობის შემთხვევაში;